O ganlyniad i bryderon iechyd y cyhoedd, rydym wedi gwneud y penderfyniad i gau’r holl adeiladau nad ydynt yn rhai hanfodol o 5:00pm heddiw (dydd Iau, 19 Mawrth).
O 5pm HEDDIW, Dydd Iau, 19 Mawrth, bydd
- Oriel Ynys Môn, Llangefni
- Archifau Ynys Môn, Llangefni
- Pob Llyfrgell (Amlwch, Biwmares, Benllech, Caergybi, Llangefni, Porthaethwy a Rhosneigr)
- Pob Canolfan Hamdden ar Ynys Môn (Llangefni, Amlwch, Caergybi a Phorthaethwy)
yn cau i’r cyhoedd tan yr hysbysir fel arall.
Nid yw hwn yn benderfyniad yr ydym wedi’i wneud ar chwarae bach ac rydym yn ymddiheuro am unrhyw anghyfleustra a achosir. Fodd bynnag, rhaid rhoi blaenoriaeth i iechyd a llesiant ein defnyddwyr gwasanaeth a’n staff.
Rydym ar hyn o bryd yn ystyried sut y gallwn ddefnyddio ein staff er mwyn ymateb i’r gofynion ychwanegol sylweddol a ragwelir mewn meysydd craidd o wythnos nesaf ymlaen.
Mae hwn yn gyfnod na welwyd ei fath o’r blaen a byddwn yn gweithio’n galed er mwyn sicrhau ein bod yn parhau i gefnogi’r rhai mwyaf bregus ar yr Ynys.
Gellir dod o hyd i ddiweddariadau am wasanaethau’r Cyngor yn ystod y Coronafeirws drwy fynd i’n gwefan www.ynysmon.gov.uk/coronafeirws
Diwedd 19.3.20