Mae’r cynllun yn anelu at gynnig y cyfle i bobl  adeiladu mwy o weithgaredd corfforol  i’w bywydau  drwy gymryd rhan mewn gweithgareddau  megis dosbarthiadau ymarfer ysgafn  yn eu canolfan hamdden a’u hystafell ffitrwydd lleol, grwpiau cerdded ‘nordig’, dosbarthiadau ymarferion dÿr a dosbarthiadau seiclo dan do.

Darperir y cyfle i gleientiaid gymryd rhan mewn nifer o sesiynau ymarfer yn eich canolfan hamdden leol.

Mae gweithgaredd corfforol wedi dangos gwelliant yn iechyd a lles pobl mewn nifer o ffyrdd. Gall manteision gynnwys:

• lleihad mewn pwysedd gwaed
• lleihad mewn lefelau colesterol
• colli pwysau a lleihad mewn braster corff
• gwella lles a hyder gyda lleihad mewn iselder a phryder

Bydd angen i unrhywun sy’n dymuno cael mynediad i’r cynllun gael ei gyfeirio gan broffesiynolyn iechyd wedi ei gymhwyso’n llawn (meddyg teulu, nyrs practis, ffisiotherapydd ayyb)

Unwaith y bo ffurflen gyfeirio wedi ei chwblhau a’i hanfon at gydlynydd cyfeirio ymarfer byddwch yn derbyn galwad oddi wrth y Proffesiynolyn Ymarfer yn eich ardal  i drefnu i chi gael apwyntiad.

Adferiad y galon

Mae Cyngor Sir Ynys Môn hefyd yn darparu sesiynau Cam 4 adferiad y galon o dan y Cynllun Cyfeirio Ymarfer Cenedlathol ar gyfer cleifion  sydd wedi cael digwyddiad y galon yn ddiweddar.  Mae sesiynau ar gael ym mhob un o 5 Canolfan Hamdden Cyngor Sir Ynys Môn ac maent yn cael eu rhedeg gan hyfforddwr BACR wedi ei gymhwyso’n llawn.  Cysylltwch â Mair Eluned am fwy o wybodaeth.

Cysylltwch â ni

Am fwy o wybodaeth ynghylch y ffordd i gael eich cyfeirio neu ynghylch proffesiynolwyr iechyd  am y modd neu am bwy y gellir eu cyfeirio cysylltwch â:

Mair Eluned (Cydlynydd Cyfeirio Ymarfer Cyngor Sir Ynys Môn )
Ffôn: 01248 752975
Ffôn symudol: 07795 127300
Ebost: mejed@ynysmon.gov.uk