Gwasanaethau llyfrgell a gwybodaeth i ymwelwyr

Ymwelwyr ar fusnes

Os ydych yma ar fusnes, gallwch fanteisio ar un neu fwy o’r gwasanaethau canlynol:

• cyfrifiaduron gyda mynediad i’r rhyngrwyd, meddalwedd Microsoft Office ac argraffu lliw
• gwasanaeth ffacs
• gwasanaeth llun-gopïo (Llyfrgelloedd Amlwch, Caergybi, Llangefni a Phorthaethwy)
• gwasanaeth gwybodaeth gan gynnwys mynediad at gyfeirlyfrau busnes ayyb

Am wybodaeth bellach am y gwasanaethau hyn, dilynwch y linciau ‘gweler hefyd’ priodol ar waelod y dudalen hon.

Pobl ar wyliau

Os ydych yma ar wyliau, gallwch fenthyg eitemau o unrhyw un o’n llyfrgelloedd. Y cwbl yr ydych angen ei wneud yw dod â’ch cerdyn llyfrgell o adref a llenwi ffurflen aelodaeth dros dro. Os ydych eisiau cysylltu â'ch teulu a ffrindiau, defnyddiwch un o'n cyfrifiaduron i anfon ebost am ddim.

Mae gennym gasgliad cynhwysfawr o wybodaeth am ble i fynd a beth i’w weld ar yr ynys. Bydd ein staff gwybodus yn hapus i’ch cynghori.

Mae cyfoeth o adnoddau hanes lleol i’r rhai sydd â diddordeb mewn hanes teulu neu eisiau  darganfod mwy am dreftadaeth a diwylliant diddorol Ynys Môn. Am ragor o wybodaeth ynglŷn â beth sydd ar gael, dilynwch y linciau ‘gweler hefyd’ ar waelod y dudalen hon i’r tudalennau astudiaethau lleol ac archifau.